用嚟去強調某個個體嘅存在。作品入面發光體向外伸展嘅形態，就好似生命對探索同連繫嘅渴求，而泡泡圓滿咗佢嘅，甚至構成個體間嘅緣份。

對發光體嚟講，泡泡嘅存在既非必需、亦非必然，但係泡泡可以令佢哋更加獨特同有存在感，但亦會隨時間消逝。

呢件作品啟發自我曾經對自身嘅反省，紀錄咗我創作呢件作品期間對過去同當下嘅感受。參加者可以抱住同樣嘅心情體驗，作不同嘅解讀，嘗試去享受、感恩過去累積所引致嘅唯一嘅當下，亦希望參加者知道，即使泡泡會消失，但係新嘅泡泡又會形成新嘅存在，鼓勵積極去感受生命。

我認為設計之「用」除咗有「功能」嘅意思之外，另一樣好重要嘅係佢嘅「作用」。而作用係將佢連繫到身邊嘅事物，佢點樣影響到睇到、用到佢嘅人，或者環境。而設計就係嘗試創造一樣嘢去達成呢個作用。